Thursday, March 16

கிரெடிட் கார்டு சைஸில் ஈ.சி.ஜி., மெஷின் - இந்திய விஞ்ஞானிகள் சாதனை

வெறும் கிரெடிட் கார்டு சைஸில் இருதயத்தின் செயல்பாடுகளை கண்டறிய உதவும் ஈ.சி.ஜி., மெஷினை இந்தியாவை சேர்ந்த விஞ்ஞானிகள் வடிவமைத்து சாதனை புரிந்துள்ளனர். 

இன்றைய காலகட்டத்தில் மாரடைப்பால் இந்தியாவில் ஒவ்வொரு வருடமும் அதிக எண்ணிக்கையி்ல் மரணமடைந்து வருகின்றனர். மருத்துவர்கள் ஈ.சி.ஜி., என்ற கருவி மூலம் இருதயத்தின் செயல்பாடுகளை அறிந்து அதற்கு ஏற்றாற் போல் சிகிச்சை அளித்து நோயாளியை காப்பாற்றுகின்றனர்.
மாரடைப்பு பற்றிய விழிப்புணர்வு இன்மை மற்றும் அதை கண்டறிய கூடிய வசதி குறைவு போன்ற காரணங்களால் இந்தியாவில் மட்டும் ஒவ்வொரு 30 விநாடிகளுக்கும் ஒருவர் மாரடைப்பால் உயிரிழப்பதாக புள்ளி விவர கணக்கு ஒன்று கூறுகிறது. 

மும்பை பாபா அணு ஆராய்ச்சி நிறுவனத்தைச் சேர்ந்த விஞ்ஞானிகள் கிரெடிட் கார்டு அளவிலான ஈ.சி.ஜி., மிஷினை தயார் செய்து சாதனை படைத்துள்ளனர். இந்த சிறிய அளவிலான மிஷின் மூலம் இதயத்தின் செயல்பாடுகளை பதிவு செய்து மருத்துவர்களுக்கு நாம் மொபைல் மூலம் அனுப்பவும் முடியும். இந்த டெலி ஈ.சி.ஜி., மூலம் ஒருவர் வீட்டிலிருந்து கொண்டே தன் இருதய ஆரோக்கியம் குறித்த தகவ்ல்களை மருத்துவரிடம் பகிர்ந்து கொள்ள முடியும். 

புதிதாக கண்டுபிடிக்கப்பட்டுள்ள இந்த ஈ.சி.ஜி., ரூ 4000 விலை மதிப்பு இருக்கும். மருத்துவர்கள் தற்போது பயன்படுத்தி வரும் ஈ.சி.ஜி. மிஷின் அளவில் பெரியதாகவும், புதிதாக கண்டுபிடிக்கப்பட்டிருக்கும் டெலி ஈ.சி.ஜி., போல் பத்து மடங்கு விலை அதிகமாக உள்ளது என்பது குறிப்பிடத்தக்கது.
Auto Scroll Stop Scroll